الساده اعضاء وزوار منتدانا الكرام
حبيت فى هذا الموضوع ان اشرح طريقه عمل الورود اوعمل الـ Lilys
وهى طريقه سهله وسلسه جدا ومش محتاجه اى مجهود
كل المطلوب انكم تركزوا مع الصور كويس
ملحوظه : المهمه دى تقدر تعملها مره واحده فى اليوم
فى البدايه هنروح نكلم بنت اسمها
OrchidGoddess
ودى هنلقيها فى التاوين سيتى فى المكان ده
(422.396)
ودى صورتها
هنكلمها وهتجلنا رساله بالشكل ده
هندوس على كلمه Let me have a try
وبعد ما ندوس هنلاقى كيس ظهر فى الباجه بتعتنا زى دة
وهنكلمها تانى وهتسئلنا سؤالين
الاول هيكون ايه هو نوع البنات الى تفضله ونختار اى حاجه
والتانى هيكون ايه هو نوع الزهور الى بتحبها وتختار اى حاجه
وبعد كده ندوس عليها تانى
هتجلنا رساله زى الى فاتت بظبط وهنختار كلمه
ٍSend me to Orchid Garden
هتودينا مكان زى دة
بعد ما نروح المكان ده هنفضل ننط على الصخر ده لغايه ما نوصل لمكان فيه شجره كبيره هتبان على الماب بتاعه المنطقه دى
اول ما نوصل هنلاقى هناك 5 بنات مترتبين من 1 : 5
هنكلم اى واحده فيهم وهتيجى رساله زى دى
هنختار كلمه Sow the Seed
وبعد ما تختار دى هتاخد منك الكيس الاصفر وهتجيلك رساله بالمنظر ده
ودى معناها انك لازم تروى الورده دى عشان تتفتح
وده هنعمله كالآتى
هنكلم البنت الى اسمها
OrchidGoddess
مره تانيه
ونركز مع الرساله الى بنجبها لانها بتقلك المكان
الى بتبدا منه المهمه
فى التاوين سيتى فى 4 اماكن هجبلكم مكنها على الخريطه الجايه
الدوائر اللى باللون الاحمر هى دى اماكن تواجد الجواهر
والجوهره بيبقى شكلها كده
ودى بتظهر مره كل 30 ثانيه
بتدوس عليها بتجيلك رساله زى كده
وبتظهر عندك فى الشنطه حاجه زى كده
بتجمع من الحاجه دى 10 مرات او بتدوس على الجواهر دى 10 مرات
عشان يجيلك 10 احجار من دى
وبعدها بتروح تكلم البنت تانى الى اسمها
OrchidGoddess
وبتطلب منها تدخلك الاورشيد إريا
بتروح تكلم البنت الى كلمتها قبل كده جوه
وبتختار
Sow my Seed
وكل حجر من الى معاك = 10%
ولازم تخلص الـ 100%
وبعد ما بتدلها الـ 10 احجار بتجيلك رساله زى دى
ومعناها انك لازم تسننى ساعه واحده عشان تقدر تقطف الزهره بتاعتك
وبتلاقى الحوض بتاع الزرع نور زى كده
ملحوظه : لو اديتها الـ 10 احجار ومجتش الرساله الى قلنا عليها
متقلقش روح ودوس على الجواهر تانى وجبلها اكتر
لغايه ما تظهر الرساله وهتروح تكلمها بعد ساعه هتجبلك رساله هتقلك
الساعه عددت . الزهره بتاعتك فتحت . تحب تقطفها دلواقتى ؟؟؟
تدوس Yas
وبكده نقول مبروك عليك
الزهره وهتبقى بالشكل ده
عشان تستخدمها تدوس عليها كليك يمين وتختار البنت الى عايز تديها الزهره
تحياتى